Кафедра крымінальнага працэсу і пракурорскага нагляду
[ Информация о кафедре на русском языке ]
[ Department of Criminal Procedure and Directorate of Public Prosecutions (english) ]
Кафедра крымінальнага працэсу і пракурорскага нагляду юрыдычнага факультэта Беларускага дзяржаўнага ўніверсітэта з’яўляецца адной з вядучых у Беларусі, на ёй маюцца ўсе неабходныя ўмовы для падрыхтоўкі кваліфікаваных юрыстаў. Выкладанне на кафедры вядуць прафесары, дактары юрыдычных навук, дацэнты, кандыдаты юрыдычных навук. Для чытання асобных курсаў запрашаюцца вядомыя навукоўцы і практычныя работнікі навуковых устаноў і дзяржаўных органаў.
На кафедры крымінальнага працэсу і пракурорскага нагляду працавалі такія вядомыя вучоныя і талантлівыя педагогі як прафесар Я.А. Мацвіенка, які кіраваў кафедрай на працягу 15 гадоў, ім апублікавана больш за 60 навуковых прац, у тым ліку 7 манаграфій і 4 навучальных дапаможніка, доктар юрыдычных навук, дацэнт В.М. Шпілёў, ім было апублікавана больш за 50 навуковых прац, у тым ліку 2 манаграфіі, дацэнт Фарфель А.С., дацэнт Плюта Я.Ф., дацэнт Дзергай Б.І., дацэнт Бохан У.Ф., дацэнт Бекешка С.П., якія ўнеслі і неацэнны ўклад у выхаванне і навучанне новага пакалення юрыстаў-працэсуалістаў.
Кафедру з 1994 года ўзначальвае кандыдат юрыдычных навук, прафесар, ганаровы юрыст Рэспублікі Беларусь Данілевіч Анатоль Аляксандравіч. Аўтар звыш 130 навуковых прац. Ён прымаў удзел у распрацоўцы Крымінальна-працэсуальнага кодэкса Рэспублікі Беларусь і іншых заканадаўчых актаў Рэспублікі Беларусь. Больш за 60 гадоў на кафедры працуе доктар юрыдычных навук, прафесар, заслужаны работнік вышэйшэй школы Рэспублікі Беларусь, ганаровы юрыст Рэспублікі Беларусь І.І. Марціновіч. Навуковыя працы Ізабэлы Іванаўны атрымалі шырокае прызнанне ў Рэспубліцы Беларусь і па-за яе межамі. Яна прымала ўдзел у падрыхтоўцы праектаў Канстытуцыі Рэспублікі Беларусь і Канцэпцыі судова-прававой рэформы ў Рэспубліцы Беларусь. На працягу трыццаці гадоў на кафедры працуе доктар юрыдычных навук, прафесар В.М. Бібіла. Ёю апублікавана больш за 250 навуковых прац. Яна з’яўляецца галоўнай рэдактаркай навуковага зборніка «Право и демократия».
Выпускнікі кафедры працуюць у органах дзяржаўнай улады і дзяржаўнага кіравання, у судах, пракуратуры, адвакатуры, на дзяржаўных прадпрыемствах, у дзяржаўных установах і арганізацыях, у арганізацыях прыватнай формы ўласнасці, у навучальных установах, працягваюць вучобу ў аспірантуры.
Спадчына права
Спіс дысцыплін, замацаваных за кафедрай па спецыяльнасцях:
«Правазнаўства». Дзённая, завочная (1-я вышэйшая і паралельная адукацыя) і завочная (2-я вышэйшая адукацыя) формы навучання.
«Эканамічнае права». Дзённая форма навучання.
«Паліталогія». Дзённая форма навучання
Спіс дысцыплін, замацаваных за кафедрай на іншых факультэтах
Тэматыка дыпломных работ
Тэматыка курсавых работ
Аспирантура
12.00.09 - Уголовный процесс
Вопросы для подготовки к вступительному экзамену в аспирантуру по специальности 12.00.09 «Уголовный процесс»
12.00.11 - Судебная деятельность; прокурорская деятельность, правозащитная и правоохранительная деятельность
Кантакты
Тэлефон: 209-55-61
Е-мэйл: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
Адрас: 220050, г. Мінск, вул. Ленінградская, 8, пакой 505
Загадчык кафедры:
>Данілевіч Анатоль Аляксандравіч - кандыдат юрыдычных навук, прафесар.
