Кафедра дзяржаўнага кіравання
Кафедра як самастойнае навукова-педагагічнае падраздзяленне Беларускага дзяржаўнага ўніверсітэта створана загадам рэктара № 185-ОД ад 10 красавіка 2015 г. Першы яе загадчык – доктар юрыдычных навук, прафесар, заслужаны юрыст Рэспублікі Беларусь, Вольга Іванаўна Чупрыс. З 2018 г. кафедрай кіравала кандыдат юрыдычных навук, дацэнт Таццяна Анатольеўна Чарвякова. З 2022 г. загадчык кафедры – кандытат палiтычных навук, дацэнт Міхайлоўскі Вадзiм Сяргеевіч.
Кафедра забяспечвае выкладанне для студэнтаў юрыдычнага факультэта, факультэта міжнародных адносін і гістарычнага факультэта наступных вучэбных дысцыплiн:
- Адміністрацыйнае права
- Параўнальнае адміністрацыйнае права
- Дзяржаўная служба
- Фінансавае права
- Падатковае права
- Міжнароднае публічнае права
- Права ЕАЭС
- Еўрапейскае права
- Права Сусветнай гандлёвай арганізацыі
- Мастацтва вядзення дзелавых перамоў
У магістратуры юрыдычнага факультэта выкладаюцца:
- Актуальныя праблемы рэгулявання і рэалізацыі публічна-прававых адносін
- Дзяржаўная грамадзянская служба
- Адміністрацыйна-прававое рэгуляванне адносін у галіне сувязі і інфарматызацыі ў Рэспублікі Беларусь
- Падатковае планаванне
- Міжнароднае эканамічнае права
- Актуальныя пытанні трансфармацыі еўрапейскага права ў эпоху інфармацыйных тэхналогій
Шэраг дысцыплін выкладаецца на англійскай мове для кітайскіх магістрантаў («Актуальныя праблемы рэгулявання і рэалізацыі публічна-прававых адносін», «Міжнародна-прававое забеспячэнне інклюзіўнай кіберпрасторы», «Міжнароднае крымінальнае права», «Міжнароднае эканамічнае права», «Прававое рэгуляванне бяспекі транспартнай дзейнасці», «Права Сусветнай гандлёвай арганізацыі»)
Падрыхтоўка кадраў вышэйшай навуковай кваліфікацыі ў аспірантуры і дактарантуры ажыццяўляецца па спецыяльнасцях:
- 12.00.04 – фінансавае права, падатковае права, бюджэтнае права;
- 12.00.10 – міжнароднае права, еўрапейскае права;
- 12.00.14 – адміністрацыйнае права, адміністрацыйна-дэліктнае права, адміністрацыйны працэс.
На кафедры дзейнічаюць студэнцкія навуковыя гурткі: па праблемах дзяржаўнага кіравання, па падатковаму праву, па інтэграцыйнаму праву.
Кафедра рыхтуе неабходныя вучэбна-метадычныя матэрыялы, у тым ліку тыпавыя навучальныя праграмы, электронныя вучэбна-метадычныя комплексы па вучэбных дысцыплінах. На кафедры ажыццяўляецца НДР па тэме «Дзяржаўнае кіраванне грамадскім развіццем: нацыянальны і міжнародна-прававы аспекты». Выкладчыкі кафедры прымаюць удзел у навуковых даследаваннях па ДПНД «Грамадства і гуманітарная бяспека беларускай дзяржавы» на 2021−2025 гады. Вынікі навукова-даследчай працы выкарыстоўваюцца ў навучальным працэсе, пры падрыхтоўцы падручнікаў і вучэбна-метадычных дапаможнікаў.
Калектыў кафедры працуе над удасканальваннем дзеючага заканадаўства, супрацоўнічае з Нацыянальным сходам Рэспублікі Беларусь, Адміністрацыяй Прэзідента Рэспублікі Беларусь, Вярхоўным Судом Рэспублікі Беларусь, Нацыянальным цэнтрам заканадаўства і прававых даследаванняў Рэспублікі Беларусь, Міністэрствам юстыцыі Рэспублікі Беларусь, Міністэрстам замежных спраў Рэспублікі Беларусь і іншымі дзяржаўнымі органамі. Выкладчыкі кафедры ўваходзяць у склад груп экспертаў, навукова-кансультацыйных саветаў, рэдакцыйных саветаў, калегій навуковых і навукова-практычных часопісаў, навуковых зборнікаў па праву.
Аспирантура
Кантакты:
Тэлефон: +375 (17) 209-59-69
E-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
Адрас: 220030, г. Мiнск, ул. Ленiнградская, д. 8 к. 315
Заведующий кафедрой:
Михайловский Вадим Сергеевич - кандидат политических наук, доцент
