Новы сумесны ТЭМПУС-праект 543990-TEMPUS-1-2013-1-DE-TEMPUS-JPCR «TRADIR».
Шаноўныя калегі, а таксама навучэнцы юрыдычнага факультэта!Па выніках конкурсу праект ТЭМПУС 543990-TEMPUS-1-2013-1-DE-TEMPUS-JPCR
«Навучанне альтэрнатыўнаму ўрэгуляванню спрэчак як падыходу да забеспячэння правоў чалавека» [TRADIR],
удзельнікам якога з’яўляецца юрыдычны факультэт БДУ, рэкамендаваны для фінансавання Еўрапейскай камісіяй.
Асноўная мэта праекта – распрацоўка вучэбнай праграмы курса па альтэрнатыўным ўрэгуляванні спрэчак для першай ступені вышэйшай адукацыі, мадэрнізацыя вучэбных праграм для адпаведных існуючых курсаў; структурная і канцэптуальная распрацоўка новай вучэбнай праграмы для атрымання ступені магістра (арыентаванай на практыку) у эканамічным праве і альтэрнатыўным ўрэгуляванні спрэчак, у спалучэнні з сучасным, арыентаваным на еўрапейскі ўзровень навуковых метадаў выкладаннем для магістрантаў.
Праект стартуе 1 снежня 2013 г. і разлічаны на 3 гады.
Каардынатарам праектаз’яўляецца ўніверсітэт Патсдаму (Нямеччына).Партнёрамі праекта таксама выступаюць:
з боку Еўрапейскага Саюза – універсітэт Лінк Кампус (Рым, Італія), універсітэт Марыі Кюры-Складоўскай (Люблін, Польшча), Віленскі ўніверсітэт (Летува), Вышэйшая гандлёвая школа імя Балеслава Маркоўскага ў Кільцах (Польшча);
з боку Беларусі – Беларускі дзяржаўны ўніверсітэт, Гродзенскі дзяржаўны ўніверсітэт імя Янкі Купалы, Беларускі рэспубліканскі саюз юрыстаў;
з боку Украіны – Львоўскі нацыянальны ўніверсітэт імя Івана Франка, Харкаўскі нацыянальны ўніверсітэт імя Васіля Каразіна, Хмельніцкі ўніверсітэт кіравання і права.
Інфармацыя прадастаўлена дацэнтам кафедры крымінальнага працэсу і пракурорскага нагляду В.І. Самарыным.