Брыганціна-2014: захапляльная барацьба і самыя яркія ўражанні!
17 мая 2014 г. у спартыўна-аздараўленчым комплексе «Брыганціна» традыцыйна адбылася адна з самых доўгачаканых вясновых падзей – спартыўна - патрыятычны злёт студэнтаў юрыдычнага факультэта БДУ! Здавалася, что ў гэты дзень надвор’е спецыяльна падарыла нам такую цяплыню і сонечны свет! Усё размяшчала да выдатнага баўлення часу і актыўнага адпачынку!
Што ж такое – гэта ўсім вядомая Брыганціна? Штогод, па традыцыі, у адзін з майскіх днёў праводзіцца спартыўна-патрыятычны студэнцкі злёт, прысвечаны гадавінам Перамогі ў Вялікай Айчыннай вайне і прызваны аб’яднаць увесь юрыдычны факультэт на свежым паветры! Адкрыццё злёту пачалося з прывітальнага слова Андрэя Віктаравіча Шыдлоўскага, намесніка дэкана па вучэбна-выхаваўчай рабоце. У святле нядаўняй сумнай падзеі на нашым факультэце, усе прысутныя ўшанавалі хвілінай маўчання памяць Анатоля Аляксандравіча Галаўко.
Такім чынам, капітаны студэнцкіх каманд з Андрэем Віктаравічам Шыдлоўскім урачыста пераразаюць чырвоную ленту – Брыганціна-2014 афіцыйна адчынена! На працягу ўсяго злёту Андрэй Віктаравіч Шыдлоўскі, Сяргей Артуравіч Калінін, Юрый Леанідавіч Шаўцоў, Анжэла Пятроўна Атрощанка, Віталь Юр’евіч Вячорка, Таццяна Анатольеўна Чарвякова, Вольга Валер’еўна Лазарэнкова, Наталля Анатольеўна Макеева дапамагалі студэнтам, вырашалі спартыўныя спрэчкі і актыўна падтрымоўвалі ўсіх удзельнікаў, за што мы выказваем ім вялізную падзяку!
Сёлета склад каманд сфармаваўся наступным чынам:
• каманда Прафбюро (капітан – Ганна Шэўчык);
• каманда старастата (капітан – Дзмітрый Крышталь);
• каманда СЯА і БРСМ (капітаны – Аляксандр Якуцэня и Ганна Коваль).
Спартыўная барацьба пачалася з “сутычкі”, якая была падрыхтавана і праведзена членамі БРСМ юрыдычнага факультэта і складалася ў пераадоленні разнастайных інтэлектуальных і фізічных перашкод. Паралельна праводзіліся спаборніцтвы па футболе, дзе распалілася неабыякавая барацьба за перамогу!
Наступным этапам стаў валейбол! Змяшаныя каманды з дзяўчын і хлопцаў нашага факультэта змаглі памерацца сіламі ў напружаным супрацьстаянні!Таксама студэнты маглі прадэманстраваць свае спартыўныя навыкі ў армрэслінгу, скачках на скакалцы, адцісканнях на адной руцэ, падцягваннях!
Немалаважнай і захапляльнай часткай спаборніцтваў стала перацягванне каната, дзе разгарнулася сапраўдная бітва за перамогу!
Брыганціна – гэта не толькі спорт, але і цудоўная атмасфера, яркія ўражанні, новыя знаёмствы і самы смачны шашлык! Студэнты маглі ўдосталь нацешыцца гэтымі прыемнымі момантамі, пакуль падводзіліся вынікі спартыўных змаганняў.
Нарэшце, доўгачаканае абвяшчэнне вынікаў:Каманда Прафбюро – 2 месца ў перацягванні каната і ў спаборніцтвах «Сутычка», 1 і 2 месца – валейбол, 1 і 3 месца - футбол, 1 месца ў агульным заліку!
Каманда старастата– 1 месца ў перацягванні каната і 3 месца ў спаборніцтвах «Сутычка», 2 месца - футбол, 3 месца - валейбол, 2 месца ў агульным заліку!
Каманда СЯА і БРСМ – 1 месца ў спаборніцтвах «Сутычка», 3 месца ў перацягванні каната, 3 месца ў агульным заліку.
У індывідуальнай барацьбе лепшымі сталі:
Армрэслінг – Краўчук Ілля сярод мужчын, Гарадзецкая Анастасія – сярод дзяўчын.
Скакалка – Крышталь Дзмітрый
Падцягванні – Гарбаценка Павел
Адцісканні на адной руцэ – Вабіщэвіч Віталь
Лепшымі спартсменамі Брыганціны былі прызнаны: Вячорка Віталь Юр’евіч, Гарадзецкая Анастасія і Уладзіслаў Пяхота.
У чарговы раз студэнты юрыдычнага факультэта даказалі, што валодаюць не толькі велізарным інтэлектуальным багажом, але і зайздросным фізічным спрытам і ўменнем выдатна праводзіць час па-за сценамі факультэта! Сваімі ўражаннямі падзяліліся некалькі ўдзельнікаў злёту:
Ганна Шэўчык: «Брыганціна мне спадабалася! Як капітан, я вельмі хвалявалася за сваю каманду! Асабліва запомнілася перацягванне каната, дзе нас чакала шмат нечаканасцяў і неспадзевак. У цэлым, было вельмі цікава назіраць за кожным спаборніцтвам, дзе ўдзельнікі дэманстравалі свае ўменні, навыкі, у чарговы раз даказваючы, што студэнты юрфака кахаюць спорт і здольныя аб'яднацца ў наймоцныя каманды!»
Андрэй Лойша: «Паездка на "Брыганціну"- тое, што нам было проста неабходна. Стомленыя, выматаныя, мы марылі пра невялікую перадышку, адпачынак, які дадаў бы нам сіл і энергіі для паспяховага завяршэння чарговага навучальнага года. Арганізатары падрыхтаваліся на славу: займальная праграма, мноства фізкультурна-аздараўленчых конкурсаў, але галоўнае - незабыўная атмасфера . Пах лесу, свежае паветра, вогнішча і, вядома, вялікая дружная кампанія, сапраўды на нейкі час адарвалі ад гарадскога шуму і клопатаў і дапамаглі расслабіцца. Усё было вельмі весела і займальна, ніхто нават не паспеў засумаваць хоць на хвіліну. Камандны дух спаборніцтва згуртаваў нас яшчэ больш, дапамог лепш пазнаць адзін аднаго, адкрыць штосьці новае ў кожным з нас і зрабіў нашу вялікую юрфакаўскую сям'ю больш моцнай і дружнай!»Ганна Дзягель: «За тры гады на юрфаке гэта была мая першая паездка на Брыганціну. І гэта быў вельмі цікавы досвед, які хочацца паўтарыць. Брыганціна - гэта спорт. Я атрымала выдатны майстар-клас па армрэслінгу: каб перамагчы ў армрэслінгу, патрэбны не толькі моцныя рукі. Галоўнае - чакаць і выціскаць :). Я была не толькі ўдзельнікам спаборніцтваў, я таксама стала суддзём у конкурсе па перацягванні каната. І скажу ўпэўнена, што быць суддзём не проста! Брыганціна - гэта абсалютна новыя знаёмствы. І знаёмствы вельмі прыемныя. Знаёмствы, пасля якіх табе хочацца перайсці ў 5 групу 2 курса або сумясціць групы другога і трэцяга курса разам. Гэта быў сапраўды вельмі запамінальны і выдатны дзень. Дзякуй арганізатарам, удзельнікам і ўсім, хто быў у гэты дзень на Брыганціне! «That`s sport, guys. That`s all it is».
Вераніка Кетрыс: «На Брыганціну мы ездзілі ўжо ў другі раз. З нашай групы памкнулася 11 чалавек. Па-першае, было неверагодна зайздоснае надвор'е, усе добранька купаліся пад першымі гарачымі вясновымі прамянямі сонца. Па-другое, была вельмі прыемная і дружная кампанія, мы ездзілі ад БРСМ і СЯА. Па дарозе мы спявалі песні, гулялі ў гульні. На Брыганціне гульні працягнуліся, мы хварэлі за нашых хлапчукоў у футбол, удзельнічалі ў армрэслінгу, скачках са скакалкай, перацягвалі канат. Усё было вельмі выдатна. Смачная ежа на кастры, песні і анекдоты. Арганізатары - велізарныя малайчыны. Гэта незабыўныя эмоцыі!»Анастасія Гарадзецкая: «Брыганціна вельмі спадабалася. Было весяла і цікава. Не было часу для нуды наогул. Адчувалася атмасфера згуртаванасці, але разам з гэтым прысутнічаў дух суперніцтва. Стаяла цудоўнае надвор'е, усе спаборніцтвы праводзіліся на свежым паветры, таму было лёгка і нязмушана. Не было якога-небудзь фармалізму ў адносінах да спаборніцтваў. Была студэнцкая самаарганізацыя, а таксама мора жартаў і весялосці. Весялосць, трыўмф і нейкая прыкрасць ад паразы, але ўсе разумелі, што прыехалі адпачываць, а не ваяваць. Таксама варта адзначыць, што быў выдатны адпачынак камандай, дым вогнішча, і густ незабыўнага шашлыка пасля насычанага спартыўнага дня».
Напрыканцы хочацца сказаць велізарнае дзякуй усім арганізатарам за магчымасць так выдатна правесці час! Дзякуй удзельнікам, без якіх усё гэта было немагчыма, бо Брыганціна - гэта мы!!!
Дзякуем спонсарам за прадстаўленыя прызы, а менавіта: конныя і веласіпедныя шпацыры, картынг, пейнтбол!
Артыкул падрыхтавалі:
Ганна Шэўчык, Старшыня Прафбюро юрыдычнага факультэта,
Кацярына Касцюкевіч, Старшыня арганізацыйна-масавай і інфармацыйнай камісіі Прафбюро.
Пераклад на беларускую мову – Андрусь Емельяновіч.
Фатаздымкі – Паліна Феданюк, Рэгіна Ярэц і Вераніка Кетрыс.
Мантаж – Кацярына Касцюкевіч.
Апрацоўка – Вольга Мікалаеўна Знак.
Законы не мешали бы каждому жить, как ему удобно,
если бы один не вредил другому (Демокрит)