Прадвеснікам вясны на юрыдычным факультэце БДУ з'яўляецца Беларуская студэнцкая юрыдычная алімпіяда. Сёлета яна адбываецца васямнаццаты раз. Кожны год у кожнага ўдзельніка Алімпіяды ўзнікае жаданне ажыццяўляць вялікія справы і развівацца як творчая асоба. Усе здзяйсненні студэнты могуць рэалізаваць  ў маштабным і самым сур'ёзным спаборніцтве сярод студэнтаў прававых спецыяльнасцей вышэйшых навучальных устаноў Беларусі. 16 сакавіка 2022 года юрыдычны факультэт з гонарам адчыніў свае дзверы ўдзельнікам індывідуальнага і каманднага заліку  вочных тураў Беларускай студэнцкай юрыдычнай алімпіяды – 2022, а таксама гасцям і партнёрам мерапрыемства.

Арганізатарам мерапрыемства традыцыйна выступае юрыдычны факультэт Беларускага дзяржаўнага ўніверсітэта пры падтрымцы Міністэрства адукацыі Рэспублікі Беларусь. Афіцыйнымі партнёрамі з'яўляюцца Вярхоўны Суд Рэспублікі Беларусь; Генеральная пракуратура Рэспублікі Беларусь; Следчы камітэт Рэспублікі Беларусь; Навукова-практычны цэнтр Дзяржаўнага камітэта судовых экспертыз Рэспублікі Беларусь; Міністэрства юстыцыі Рэспублікі Беларусь; Нацыянальны Цэнтр прававой інфармацыі Рэспублікі Беларусь; Нацыянальны цэнтр заканадаўства і прававых даследванняў Рэспублікі Беларусь; Дзяржаўны камітэт па маёмасці Рэспублікі Беларусь; Нацыянальны цэнтр абароны персанальных дадзеных Рэспублікі Беларусь; Беларускі рэспубліканскі саюз юрыстаў; Беларуская натарыяльная палата; Беларуская рэспубліканская калегія адвакатаў; Партнёрамі Алімпіяды выступаюць Вытворчае ўнітарнае прадпрыемства «Кока-Кола Бэўрыджыз Беларусія»; ТАА «Ягораў, Пугінскі, Афанасьеў і партнёры»; ТАА «REVERA»; ТАА «ЮрСпектр»; Юрыдычная фірма «Гарэцкі і партнёры»; ТАА «Эс бі Эйч Ло Офісіс» (SBH Law Offices); ТАА «GRATA International BY»; Мінская абласная калегія адвакатаў; Прадстаўніцтва МТС у Беларусі; Мінская гарадская калегія адвакатаў; Лізавета Пятроўна Ярмаш, адвакат Мінскай гарадской калегіі адвакатаў. Інфармацыйную падтрымку забяспечваюць Нацыянальны інтэрнэт-партал Рэспублікі Беларусь; Вучэбна-практычная ўстанова «Цэнтр «Медыяцыя і права»; Часопіс «Судовы веснік», «Судовы веснік Плюс: эканамічнае правасуддзе»; Часопісы «Законнасць і правапарадак», «Папярэдняе расследаванне», «Юстыцыя Беларусі»; Міжнародная грамадская арганізацыя «Саюз крыміналістаў і крымінолагаў». У ходзе Алімпіяды ўдзельнікі будуць выкарыстоўваць інфармацыйна-прававыя сістэмы - Эталон і iLex.

У завочным туры Алімпіяды прынялі ўдзел 17 каманд і 103 індывідуальныя ўдзельнікi з 15 вышэйшых навучальных устаноў Рэспублікі Беларусь. Па выніках завочнага тура, які папярэднічае правядзенню вочных тураў, да ўдзелу рэкамендуецца 12 каманд, якія набралі 330 балаў і вышэй, а таксама 40 індывідуальных удзельнікаў, якія набралі 95 балаў і вышэй. У Алімпіядзе прымуць удзел каманды Беларускага дзяржаўнага ўніверсітэта, Акадэміі кіравання пры Прэзідэнце Рэспублікі Беларусь, Акадэміі Міністэрства ўнутраных спраў Рэспублікі Беларусь, Гродзенскага дзяржаўнага ўніверсітэта імя Я. Купалы, Віцебскага дзяржаўнага ўніверсітэта імя П.М. Машэрава, Гомельскага дзяржаўнага ўніверсітэта імя Ф. Скарыны, Магілёўскага дзяржаўнага ўніверсітэта імя А.А. Куляшова, Беларускай дзяржаўнай сельскагаспадарчай акадэміі, Полацкага дзяржаўнага ўніверсітэта, Віцебскага філіяла ўстановы адукацыі Федэрацыі прафсаюзаў Беларусі Міжнароднага ўніверсітэта «МІПСА».

З прывітальнай прамовай выступіў дэкан юрыдычнага факультэта БДУ Андрэй Віктаравіч Шыдлоўскі: «Паважаныя калегі, дарагія ўдзельнікі, сябры! Сёння адкрыццё Беларускай студэнцкай юрыдычнай алімпіяды. Дадзенаму мерапрыемству васямнаццаць гадоў – гэта паўналетні ўзрост. Гэта ўжо тое мерапрыемства, якое мае свае традыцыі і асаблівасці. Беларуская студэнцкая юрыдычная алімпіяда – гэта свята для ўсіх юрыстаў Рэспублікі Беларусь».

Андрэй Віктаравіч даў слова прарэктару па вучэбнай рабоце і адукацыйных інавацыях БДУ Алесі Генадзьеўне Прахарэнка, якая звярнулася да прысутных: «Паважаныя госці, удзельнікі Беларускай студэнцкай юрыдычнай алімпіяды, дазвольце мне павітаць вас у нашым універсітэце. Васямнаццаты раз юрыдычны факультэт БДУ ўрачыста адчыняе дзверы для сапраўдных знаўцаў права. Я шчыра жадаю, каб гэты ўнікальны праект у галіне юрыдычнай адукацыі стаў для вас не толькі спаборніцтвам, але таксама магчымасцю выпрабаваць і праявіць сябе! Няхай Алімпіяда паслужыць вам магчымасцю ўдасканальваць сваё прафесійнае майстэрства. Жадаю ўсім вам поспехаў!»

Далей слова перададзена намесніку начальніка Галоўнага ўправлення прафесійнай адукацыі – начальніку ўправлення  вышэйшай адукацыі Міністэрства адукацыі Рэспублікі Беларусь Алене Адольфаўне Ліпе, якая адзначыла: «Сёння на юрыдычным факультэце сабраліся лепшыя з лепшых студэнтаў юрыдычных спецыяльнасцей усіх устаноў адукацыі рэспублікі. Я хачу падкрэсліць, што ў нашай дзяржаве вялікая ўвага надаецца якасці падрыхтоўкі юрыдычных кадраў: павышэнню іх прафесіяналізму і вопыту. Па ініцыятыве юрыдычнай грамадскасці прынята канцэпцыя развіцця юрыдычнай адукацыі да 2025 года і план мерапрыемстваў па яе рэалізацыі, які сапраўды садзейнічае павышэнню якасці падрыхтоўкі юрыстаў. Мы разумеем, што менавіта вы, маладыя спецыялісты, з'яўляецеся залогам поспеху развіцця дзяржавы».

Потым выступіў Старшыня журы Алімпіяды – Першы намеснік старшыні Вярхоўнага Суда Рэспублікі Беларусь Валерый Леанідавіч Калінковіч, які падкрэсліў: «Наша Алімпіяда дасягнула паўналецця ў вельмі няпросты і вельмі важны перыяд для жыцця нашай дзяржавы і грамадства. На дадзены момант мы пачынаем чарговы этап беларускага дзяржаўнага будаўніцтва, калі, грунтуючыся на выніках рэспубліканскага рэферэндуму, неабходна будзе ў дастаткова кароткі тэрмін, але вельмі кардынальна не проста перабудаваць усю машыну дзяржаўнага кіравання, але і стварыць тыя рэальныя механізмы дэмакратыі кіравання грамадствам, якія б адпавядалі бягучаму перыяду і дазволілі б забяспечыць паступальнае развіццё нашай дзяржавы і грамадства ў цэлым. Вядома ж, вырашэнне падобнага роду задач немагчыма без якаснага і прафесійнага юрыдычнага суправаджэння, і мы ўскладаем вельмі вялікія надзеі на тых, хто сёння тут, у зале, у якасці ўдзельнікаў Алімпіяды, на ўсіх, хто рыхтуецца да атрымання дыплома аб вышэйшай юрыдычнай адукацыі ў гэтым годзе. Нам патрэбны вашы прафесійныя веды, якія дазволяць вам не толькі ствараць новыя законы і выконваць іх, а ствараць тое прававое поле, у якім будзеце развівацца вы, вашы дзеці і наступныя пакаленні беларускага народа».

Пасля старшыня Следчага камітэта Рэспублікі Беларусь, генерал-маёр юстыцыі Дзмітрый Юр’евіч Гара пажадаў поспехаў удзельнікам і адзначыў: «Сёння Алімпіяда сабрала самых лепшых прадстаўнікоў нашага студэнцтва, якія вучацца на юрыдычных спецыяльнасцях. Юрысты ў прынцыпе – эліта грамадства, а ў гэтай зале сабралася эліта юрыдычнага студэнцтва. У будучым вы, я ўпэўнены, здолееце стаць палітычнай элітай нашай дзяржавы, прадстаўнікамі і кіраўнікамі вертыкалі ўлады. Вы станеце высокакваліфікаванымі юрыстамі, будзеце будаваць нашу краіну, будзеце тут жыць і працаваць на карысць Радзіме. Следчы камітэт з'яўляецца пастаянным афіцыйным партнёрам Беларускай студэнцкай юрыдычнай алімпіяды. Сёлета мы традыцыйна падрыхтавалі заданні для ўдзельнікаў Алімпіяды, а таксама прызы і падарункі для пераможцаў. Я, знаходзячыся тут, вырашаю дзве мэты: атрымаць задавальненне ад маладых, шчаслівых і мэтанакіраваных людзей, а таксама паглядзець на лепшых з лепшых і паспрабаваць упэўнiць iх, каб яны прыйшлі да нас на службу. Прыемна назіраць, як студэнты, якія прынялi ўдзел у Алімпіядзе, становяцца аднымі з лепшых следчых нашай рэспублікі».

Наступнай выступіла Першы намеснік Мiнiстра юстыцыі Рэспублікі Беларусь Наталля Мікалаеўна Філіпава, якая падкрэсліла: «Міністэрства юстыцыі з'яўляецца не першы год афіцыйным партнёрам гэтага мерапрыемства. Прыемна, што мы стартуем менавіта сёння – у наступны дзень пасля ўступлення ў сілу змен у Асноўны закон нашай дзяржавы. Выкананне ўсіх заданняў, якія вам трэба будзе зрабіць, ужо будзе ажыццяўляцца з улікам тых змяненняў, якія замацаваны ў Канстытуцыі, таму ў вас ёсць магчымасць ужо зараз пачаць справу і даказаць сваю працаздольнасць, прафесіяналізм і якасць ведаў, якія студэнты атрымліваюць у сваіх вышэйшых навучальных установах. Варта сказаць, што ў сучасным свеце канкурэнцыя ў нашай прафесіі дастаткова высокая. Міністэрства юстыцыі зацікаўлена ў тым, каб да нас на працу прыходзілі таленавітыя, адораныя, мэтанакіраваныя юрысты».

Далей выступіў Першы намеснік дырэктара Нацыянальнага цэнтра прававой інфармацыі Рэспублікі Беларусь Вячаслаў Анатольевіч Абрамаў, які адзначыў: «Нацыянальны цэнтр прававой інфармацыі шмат гадоў супрацоўнічае з юрыдычным факультэтам у межах Алімпіяды. У нас таксама ёсць заданні. Яны датычацца той спецыфікі, якой займаецца цэнтр. За нашай сур'ёзнасцю і паспяховасцю стаіць не толькі розум, не толькі эрудзіраванасць, але і творчы падыход, і пачуццё гумару, таму ў гэтым годзе мы ўнеслі новы элемент у нашы заданні. Мы з нецярпеннем чакаем, хто ж атрымае перамогу ў конкурсе відэаролікаў, прысвечаных праву. Адзін з прызоў пераможцам мы прапанавалі летась, захоўваем і сёлета. Гэта інтэрв'ю для каманды пераможцаў, якое будзе размешчана на нацыянальным прававым партале. Мінулае інтэрв'ю набрала каля 10 000 праглядаў. Таму, шаноўныя калегі, жадаю вам поспехаў, пра вас сапраўды даведаецца ўся краіна».

Пасля слова ўзяла намеснік дырэктара – кіраўнік Інстытута прававых даследванняў НЦЗПI Рэспублiкi Беларусь Алена Валянцінаўна Сямашка, якая звярнулася да прысутных: «Мне вельмі падабаецца адноўлены дэвіз спартыўнага алімпійскага руху «Хутчэй, вышэй, мацней, разам». На вялікі жаль, часам гэта проста словы. Давайце ў нашай Алімпіядзе зробім так, каб гэтыя словы не разыходзіліся са справай. Жадаю ўсім вам хутчэй знайсці сваё месца ў юрыдычнай прафесіі, таму што яна занадта разнастайная, шматгранная. Сёння і ў наступныя дні Алімпіяды хутчэй знайсці правільныя адказы на заданні і пытанні. Вышэй і вышэй уздымаць узровень свайго прафесіяналізму, бо Алімпіяда – гэта не толькі прафесійны адбор, але і этап вашай прафесійнай падрыхтоўкі. Будзьце мацнейшымі ў сваіх аргументах і прыходзьце на працу, ы сапраўды вас вельмі чакаем, каб разам рабіць нашу прававую сістэму больш эфектыўнай».

Далей выступіў намеснік дырэктара Нацыянальнага цэнтра абароны персанальных звестак Рэспублікі Беларусь Сяргей Уладзіміравіч Задзіран, які падкрэсліў: «Прававая база ў цэлым сфарміравана, але неабходна сфарміраваць адзіную правапрымяняльную практыку, шукаць адказы на пытанні ў канкрэтных сітуацыях, шукаць прабелы ці варыянты рашэння. Мы рады быць у ліку партнёраў, рады неўзаметку з'яўляцца ў ліку замоўцаў. Вельмі спадзяюся, што тыя, хто сёння знаходзіцца ў гэтай зале, стануць тымі піянерамі, якія будуць развіваць і тэму, злучаную з абаронай персанальных дадзеных».

На адкрыцці Алімпіяды Генеральную пракуратуру Рэспублікі Беларусь прадстаўляў начальнік упраўлення кадраў і ідэалагічнай работы Генеральнай пракуратуры Мікалай Рыгоравіч Якіменка, які падкрэсліў: «Генеральная пракуратара не толькі партнёр дадзенага мерапрыемства, але і заказчык юрыдычных кадраў. Хацелася б падзякаваць кіраўніцтву за высокую арганізацыю конкурса».

Далей выступіў старшыня Беларускай рэспубліканскай калегіі адвакатаў Аляксей Іванавіч Швакаў, які адзначыў: «З таго моманту, як я паступіў на юрыдычны факультэт, прайшло шмат гадоў, але я ні разу не пашкадаваў аб сваім выбары. Я ведаю, што гэта прафесія, якую выбралі вы, сапраўды вельмі значная для нашай краіны і для нашага грамадства. Паглядзіце, колькі прадстаўнікоў юрыдычнай прафесіі сабралася ў гэтай аўдыторыі. Хачу сказаць, што галіны тут розныя, а корань толькі адзін. Корань зыходзіць з нашага юрыдычнага факультэта».

 Далей выступіў Першы намеснік Генеральнага дырэктара вытворчага ўнітарнага прадпрыемства «Кока-кола Бэўрыджыз Беларусія» Андрэй Валянцінавіч Рашчупкін: «Алімпіяда – гэта не кропка, гэта хутчэй коска, магчымасць праверыць свой узровень, а асабістыя веды суаднесці з ведамі іншых ўдзельнікаў, праверыць камандныя навыкі. Я хачу пажадаць усім удзельнікам поспехаў, членам журы – аб'ектыўнасці і справядлівасці».

 Наступны выступіў дырэктар ТАА «Ягораў, Пугінскі, Афанасьеў і партнёры» Дзяніс Валер'евіч Туравец: «Для нас Алімпіяда – гэта магчымасць паглядзець на будучыню юрыдычнай прафесіі, паглядзець на вас і ацаніць вашыя сілы. Я жадаю членам журы атрымаць прафесійнае задавальненне на працягу гэтых трох дзён, а таксама вам, удзельнікі, дасягнуць усіх вышынь, якія вы намецілі дасягнуць».

Пасля выступіў кіруючы партнёр ГА «Грата Інтэрнэшнл Бі Уай» Дзмітрый Міхайлавіч Вільтоўскі: «Аднойчы вядомы юрыст Анатоль Фёдаравіч Коні сказаў, што юрыст – гэта чалавек, у якога агульная адукацыя ідзе наперадзе спецыяльнай. Пакажыце, што вы не толькі вывучылі падручнікі па юрыспрудэнцыі, але таксама добра ведаеце мастацкую літаратуру, валодаеце беларускай і рускай мовай, а не толькі юрыдычнай тэрміналогіяй».

Апошнім на ўрачыстым адкрыцці Алімпіяды выступіў кіраўнік праектаў у сферы нерухомай маёмасці і інфраструктурных праектаў, адвакат Аляксандр Святаслававіч Антонаў, які падкрэсліў: «У нашай арганізацыі працуе больш удзельнікаў Алімпіяды, а не пераможцаў. Пакажыце максімальныя вынікі, зыходзячы з чаго гэта будзе ацэнена, бо традыцыйна REVERA прапануе адну ці некалькі стажыровак найлепшым удзельнікам алімпіяды».

Далей да ўдзельнікаў Алімпіяды гэтага года звярнуліся пераможцы Беларускай студэнцкай юрыдычнай алімпіяды мінулых гадоў, якія падрыхтавалі відэазварот. Яны пажадалі ўдзельнікам Алімпіяды поспехаў у выкананні заданняў. Пасля выступленняў гасцей і партнераў Алімпіяды адбылася жараб’ёўка. Далей удзельнікі Алімпіяды атрымалі заданне вочнага тура і разышліся іх выконваць ва аўдыторыях.

Далучаемся да ўсіх пажаданняў удзельнікам Беларускай студэнцкай юрыдычнай алімпіяды, якія прагучалі сёння на ўрачыстым адкрыцці. Нагадваем, што ўсе пераможцы будуць уключаны ў Спецыяльны фонд Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў. За актуальнай інфармацыяй па Алімпіядзе-2022 вы можаце сачыць на афіцыйным сайце і ў афіцыйных сацыяльных сетках юрыдычнага факультэта БДУ.

Тэкст: Інеса Лавягіна, Лізавета Краўцова, Аліса Казачок, Дар’я Макась, Валерыя Кухарчык.
Фота: Лізавета Калесніковіч, Ксенія Пушкіна, Анастасія Чуманская, Сяргей Раханскі, Аліна Турбецкая, Мікалай Шчарбін, Валерыя Фіцнер, Дзіяна Карэнік, Лізавета Тарэлка
Апрацоўка: Л. В. Бяляева

Правядзенню Беларускай студэнцкай юрыдычнай алімпіяды-2022 садзейнічалі:

Афіцыйныя партнёры

 

Партнёры

 Інфармацыйныя партнёры

  Інфармацыйна-прававыя рэсурсы

  


Вялікі Дзякуй усім!!!
Арганізацыйны камітэт

Апрацоўка: Л. В. Бяляева