Арганізацыйны камітэт Беларускай студэнцкай юрыдычнай алімпіяды – 2023 (далей – Алімпіяда – 2023) мае гонар паведаміць пра пачатак завочнага тура.

У адпаведнасці з Парадкам правядзення Беларускай студэнцкай юрыдычнай алімпіяды ў Алімпіядзе – 2023 прымаюць удзел усе акрэдытаваныя ўстановы вышэйшай адукацыі Рэспублікі Беларусь, якія ажыццяўляюць падрыхтоўку спецыялістаў па спецыяльнасцях юрыдычнага профілю.

Конкурсныя матэрыялы завочнага тура Алімпіяды – 2023 будуць размешчаны 31 кастрычніка 2022 г. у 13.00 на сайце юрыдычнага факультэта Беларускага дзяржаўнага ўніверсітэта ў раздзеле «Праекты / Юрыдычная алімпіяда / Юрыдычная алімпіяда − 2023».

У якасці задання намінацыі каманднага конкурсу «Абмеркаванне праекта прававога акта» прапануецца праект Закона Рэспублікі Беларусь «Аб Усебеларускім народным сходзе».

Заяўкі і працы ўдзельнікаў завочнага тура павінны быць адпраўлены ў цэнтралізаваным парадку да 9 снежня 2022 г. на адрас, які будзе ўказаны дадаткова.

У мэтах узаемадзеяння з арганізацыйным камітэтам просім выкарыстоўваць электронны адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

Аргкамітэт

Афіцыйныя партнёры

 

Партнёры

   Інфармацыйныя партнёры

Інфармацыйна-прававыя рэсурсы