Ціха, ідзе алімпіяда!
Вось і прыйшлі гэтыя доўгачаканыя дні – 12-13 сакавіка, калі юрыдычны факультэт БДУ прымае лепшых з лепшых студэнтаў-юрыстаў – будучых зорак на небасхіле юрыспрудэнцыі, якія на працягу двух дзён будуць змагацца за ганаровае званне пераможцаў вочнага тура Беларускай студэнцкай юрыдычнай алімпіяды 2010.
Безумоўна, мы хлусім, калі кажам, што перамога – гэта не галоўнае. Зазірніце ў яскравыя вочы ўдзельнікаў алампіяды, паглядзіце на іх натхнённыя твары… Яны маладыя і амбіцыёзныя, за імі будучыня нашай краіны, яны прыйшлі за перамогай. Канечне, першае месца не можа дастацца ўсім. Але мы ўпэўненыя ў тым, што ўдзельнікі вочнага тура здолеюць паказаць даволі высокія вынікі, абараніць гонар сваіх навучальных устаноў і права называцца Юрыстамі з вялікай літары.Юрыдычная алімпіяда – гэта добрая магчымасць знайсці новых сяброў, карысныя знаёмствы – гэта своеасаблівы шчаслівы квіток у будучыню. Як адзначыў Сівец Сяргей Міхайлавіч, юрыдычная алімпіяда-2010 не толькі не горш, але нават і лепш за алімпіяду ў Ванкуверы, бо тут задзейнічаны не толькі фізічныя, але і інтэлектуальныя рэсурсы.
Жыццё на юрыдычным факультэце кіпела з самага ранку: апошняя падрыхтоўка, рэгістрацыя ўдзельнікаў, па выніках якой у вочным адборачным туры апынуліся 12 каманд і 55 індывідуалаў.
І вось яно – адкрыццё алімпіяды.
На цырымоніі ўрачыстага адкрыцця прысутнічалі: Шаўцоў Эдуард Георгіевіч (намеснік кіраўніка упраўлення вышэйшай і сярэдняй спецыяльнай адукацыі Міністэрства адукацыі), Шаршун Віктар Аляксандравіч ( намеснік Дырэктара Нацыянальнага цэнтра прававой інфармацыі Рэспублікі Беларусь), Сівец Сяргей Міхайлавіч (Намеснік Дырэктара - кіраўнік Iнстытута прававых даследванняў Нацыянальнага цэнтра заканадаўства и прававых даследванняў Рэспублікі Беларусь), Рашчупкін Андрэй Валенцінавіч (намеснік Генеральнага Дырэктара кампаніі «Кока-Кола Бейврыджыз Беларусь»), Міхель Канстанцін Мікалаевіч (управляючы партнёр кампаніі «Власова, Міхель и партнёры»), Ігнатоўская Таццяна Вітальеўна (партнер, кіраўнік камерцыйнай практыкі «Сцепаноўскі, Папакуль і партнёры»), Еўдакімава Інна Уладзіміраўна (памочнік управляючага партнёра ТАА «Брагінец і партнёры»). Некаторыя з іх выступілі перад аудыторыяй з цёплымі пажаданнямі поспехаў. Арганізатары алімпіяды, ужо па традыцыі, прыгатавалі падарунак – фільм з самымі яскавымі, запамінальнымі момантамі юрыдычных алімпіяд папярэдніх гадоў. Без сумнення, тым, хто ўжо не першы раз удзельнічае ў алімпіядзе, было прыемна ўзгадаць падзеі мінулага (а здаецца, што гэта было амаль ўчора!) і адчуць сапраўдны дух алімпіяднага спаборніцтва.
Пасля – нескладаная працэдура лёсавання, і ўдзельнікі алімпіяды рушылі па аудыторыях, каб прыступіць да выканання сваіх заданняў.Камандам было прапанавана падрыхтаваць:
-- экспертнае заключэнне праекта нарматыўнага акта
-- праект правапрымяняльнага акта
-- пераклад юрыдычнага тэксту з рускай мовы на беларускую
-- аналіз казуса і прэзентацыю пазіцыі па грамадзянскай (гаспадарчай) справе ў судзе другой інстанцыі перад імправізаванымі суддзямі, ролю якіх выконвала паважанае журы, а таксама каманды чакала праца з базай данных.
Індывідуальныя ўдзельнікі вырашалі наступныя заданні:-- экспертнае заключэнне праекта нарматыўнага акта
-- праект правапрымяняльнага акта
-- праца з базай данных
-- пераклад юрыдычнага тэксту з рускай мовы на беларускую
У 22:11 апошні ўдзельнік алімпіяды пакінуў факультэт, а члены журы і агранізацыйнага камітэту працягваюць напруджанную працу: праверыць працы, падлічыць балы, скласці пратаколы, падрыхтаваць праграму на наступны дзень. Вокны юрыдычнага факультэта БДУ будуць гарэць святлом усю ноч дзеля таго, каб заўтра зраніцы мы даведаліся, хто прайшоў у фінальны тур алімпіяды. Члены агркамітэта ператварыліся ў прывідаў факультэта ;)
Але трэба заўважыць, что зусім не ўсё адбылося сёння так, як было запланавана. Удзельнікам, якія апынуліся ў галоўным корпусе БДУ, сапраўды, прыйшлося не салодка. Доўгія хвіліны чакання, змена раскладу конкурсаў, і як вынік – заканчэнне працы толькі а адзінаццатай гадзіне вечара. Аргкамітэт просіць прабачэння за тэхнічныя непаладкі, якія спынілі працу амаль паловы індывідуальных удзельнікаў у першай полове дня. Шчыра спадзяемся на вашае паразуменне. Хочацца думаць, што наступны фінальны дзень не прынясе аніякіх непрыемных нечаканасцяў.
Аганізацыйны камітэт таксама паведамляе, што ўсе працы, дасланыя ўдзельнікамі завочнага тура, знаходзяцца на старонцы «Алімпіяда-2010. Працы ўдзельнікаў завочнага тура». Увага! Аргкамітэт нагадвае, што па-ранейшаму чакае працы як індывідуальных удзельнікаў, так і каманд, якія па нейкіх падставах не былі дасланыя. Таксама, калі вы не знайшлі сваю працу, альбо заўважылі памылкі, просім паведаміць аб гэтым арганізатарам на e-mail Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..
Жадаем поспехаў удзельнікам алімпіяды!
Сачыце за навінамі на сайце.
Далгова Паліна (4 курс)
Ашмян Юлія (3 курс)
Фота - Шыпуля Андрэй, Маркава Насця, Знак Ірына
Апрацоўка фота - Знак В.М.
Алімпіяда-2010 ажыццяўляецца
пры інфармацыйнай падтрымцы:
пры фінансавай падтрымцы:
